Oslo by Night

Utstillinga består av ein videoinstallasjon som tematiserer ei konkret, historisk hending frå andre verdskrig: jødeaksjonen, 26. november 1942, då 532 norske jødar vart henta frå heimane sine om natta og frakta med skipet Donau til Auschwitz. Kun 11 av desse returnerte til Noreg etter 1945. Vi ser eit kart over Oslo, vekselvis ein stjernehimmel. Kartet viser bustaddresser til jødar som aldri returnerte frå Auschwitz. Verket er utan tekst og lyd. Videoen går i loop (6 min. og 18 sek.) Verket vart vist ved opninga av Holocaust-senteret i Oslo (2006), og av René Block i Kunsthalle, Fridericianum, Kassel (2006). Verket rettar fokus mot fleire aktuelle, internasjonale samfunnsproblem som framandfrykt, rasisme og folkemord. Utfordringane er like gjeldande i dag som under krigen og påverkar store mengder folkegrupper verda over. Her bringast på bane spørsmål om skuld, fråskriving av ansvar, og passivitet kontra humanitært engasjement. Elevane får stifte kjennskap med eit mørkt og for mange ukjent kapittel i norsk historie, samtidig som dei får innsyn i aktuell, ny kunst. Victor Lind (f. 1940) har gjennom si kunstnariske karriere arbeidd med ei rekkje ulike uttrykksformer, dei seinare åra med spesiell vekt på nye medie. Knapt nokon norsk kunstnar har så konsekvent halde oppe 1970-talets politiske bodskap. Maktmisbruk og overgrep mot enkeltindividet er Lind sitt gjennomgangstema.

Turne avsluttes våren 2012.